Stærsti sandkassi í heimi
Loksins eigum við Íslendingar eitthvað sem er stærst í heimi og ekki bara miðað við höfðatölu heldur hlýtur það að vera stærst í heimi. Eftir að hafa vaknað í morgun við það að vor heittelskaði forstráðhrra sagðist vera hættur að geta sofið af tilhlökkun yfir hvað hann ætti að gera við allar 300 milljónirnar sem greifarnir í Bónus ætluðu að gefa honum, eftir að hafa heyrt lubbalega greifann lýsa því hvernig hann ætlaði að fara í meiðyrðamál og eftir að hafa heyrt besta vininn sem núna er orðinn mesti óvinurinn lýsa því hvað aðalkallinn (sá krullótti) hafi sagt eða ekki sagt eða hann sjálfur ekki sagt frekar og svo ala halarófuna aftur í kvöldfréttunum, þá er það augljóst: Þetta hlýtur að vera stærsti sandkassi í heimi!

Og þar er sko hægt að fara í alveg æðisgengið sandkassastríð. Verst að það eru líklega allir búnir að pissa út um allt í sandinn og ég er sveimérþá farinn að halda að það hafi bara einhver kúkað þarna líka. Það er a.m.k. skítalykt af málinu fyrir alla aðila.