Mér finnst að það ætti að sleppa Árna Johnsen lausum eftir hádegið í dag, til betrunar
Það ætti sko að taka Árna Johnsen á orðinu og leyfa honum að komast á Gay Pride skrúgönguna í dag úr því að hann fékk ekki að söngla í brekkunni sinni úti í Eyjum. Hann þyrfti svo ekkert endilega að vera endilega að syngja sjálfur heldur bara dansað með tónlist af bandi. Þannig myndi ekkert kooma að sök að hann kunni ekkert á gítar.

Væri t.d. ekki alveg upplagt fyrir hann að syngja aðallagið: "Ég er eins og ég er!" Á eiginlega ágætlega við hann. Þarna fengi hann bæði tækifæri til að koma fram, myndi örugglega vekja lukku og síðan væri það töluverð betrun fyrir hann að fá sjá þetta fólk sem ég man ekki betur en að hann hafi kallað kynvillinga úr ræðustól á Alþingi.

Finnst bara verst að komast ekki sjálfur í þessa skrúgöngu eða a.m.k. að horfa á hana. Hún var megaflott í fyrra. Verð fjarri því gamni núna í brúðkaupi. Nei, ekki mínu.