Segi farir mínar enn ekki sléttar úr hjólaumferðinni í henni Reykjavík
Ef maður er á hjóli, uppi á gangstétt einhvers staðar á Stórhöfðanum og svo kemur svona innkeyrsla að einhverri sjoppu og það keyrir bíll beint fyrir mann þannig að maður hjólar aðeins á hann, hvor er þá í rétti? Á hann að biðjast afsökunar eða á ég að borga fyrir ímyndaða rispu á bílnum hans? Á þessi á bílnum eitthvað með það að elta mann uppi og verða voða reiður? Átti ég að vera reiður eða hann?

Breytir það síðan einhverju ef sá hjólandi er kominn aðeins lengra þannig að þessi keyrandi keyrir beint yfir hjólamanninn? Þá reyndar þarf þessi keyrandi ekkert að elta hjólamanninn uppi!

Ég bara spyr af því að ég lenti í þessu fyrrnefnda í gærkveldi í ausandi rigningu, svarta myrkri, hávaðaroki en ég með ljós bæði framaná og líka aftaná og hjálm í ofan ílag.

Er reyndar líka að velta fyrir mér hvort þessi sem hafði lagt við einhverja sjoppu á Langholtsveginum hafi verið eitthvað betri eða verri þegar hann bakkaði út á Langholtsveginn (reyndar við sömku erfiðu umvherisaðstæðurnar) og beint í veg fyrir einn á hjóli (sem var sko með ljós í bak og fyrir og var ég) og næstum yfir tvo skokkara sem voru þarna á gangstéttinni með mér. Ég og skokkararnir vorum a.m.k. sammála um að þessi á bílnum hefði ekki verið alveg með fulle fem!

Ökumenn: Takið ykkur á!