Ojbrassta, ég á tala sænsku

Ah, I vudd suggester SWEDISH as jor langvedge to
spiek.


What language are you supposed to speak?
brought to you by Quizilla

Þetta er nú samt kannski ekki alveg galið þar sem svenskan er líklega skyldust okkar ástkæra ylhýra [er þetta ilhíra annars ekki skrifað svona?] en hefði nú frekar viljað vera japanska eða eitthvað svona frumlegra heldur en einhver fjárans svenska. Eða kannski grænlenska eins og Stína fína var en auvda fann ég þetta á blogginu hennar

Líst eiginlega ekkert á þetta, held að ég skjótist út í búð til að kaupa mér hamborgara! Og ég er ekki að grínast, enda grínast maður ALDREI á blogginu sínu.

Ætli það viti annars einhver hvenær þetta fúla skilaboðakerfi hættir að vera með viðhaldinu sínu. Er viss um að þetta er að hórast einhvers staðar uppi í Borgarfirði!

Mikið hryllilega getur maður orðið þreyttur þegar maður þarf að vinna á sunnudegi
Er gjörsamlega að lognast út af. Kannski var flutningurinn hjá henni litlusystur svona erfiður áðan. Held að ég sé samt frekar einhvern veginn bara þreyttur. Sof sof. Er kominn með sterkan grun um að einhver hafi laumast til að skipta um kaffitegund hérna í vinnunni og sett koffínlaust kaffi í staðinn. Þá geta reyndar afleiðingarnar orðið svona!

Síðan er ennþá umhverfisvæna vikan í fullum gangi hjá mér þannig aðég er á hjóli og þarf að hjóla heim í rigningunni. Endurnærist þá væntanlega allur og mun ekki geta hugsað mér að leggja mig þegar ég drusslast loksins heim á leið. Vaki síðan fram yfir miðnætti og verð enis og úldinn froskur allan morgundaginn. Vona bara að ég sofni ekki ofan í súpudiskinn í hádeginu á morgun. Neinei, það er svo sem engin hætta á því þar sem ég fæ mér aldrei súpu. Kannski sofna ég bara sam. Hver veit.

Vell best að hætta þessu bulli og klára að gera það sem ég þarf að gera fyrir morgundaginn.

Rigning
Ekki reyndust nú flutningaafrekin vera mjög meiriháttar hjá mér í dag. Eins og stundum vill verða þá bindur rigning enda á íslenska gleði og grín og Ragnhildur fékk ekki gott að flytja sig í þessu.

Síðan gengur umhverfisvikan alveg sakalega fínt. Er ekkert búinn að vera bílandi sjálfur í allan dag en hins vegar hmmmm ........ er búinn að láta annað fólk keyra mig fram og til baka. Þetta er nú ekkert svo svakalega galið. Fara sjálfur í bílabindindi og láta þá aðra keyra sig út um allt!

Best að fara að hætta þessu bloggruggli
Nóg að gera. Þarf fyrst að borða skmá, lesa crazy bók, kaupa kaffi, hjálpa litlu systur að flytja og lox á kannski að taka til hendinni í Trivial Persuit í kvöld.

En mikið er ég að verða þreyttur á þessi lokað vegna viðhalds skilaboða kerfi hjá mér. Blogg án skilaboðakerfis er eins og sumar án sólar, fiskur án reiðhjóls, kona án manns, ég án þín, allir án allra eða bara þannig ..........

Umhverfisvæna vikan
Jæja þá er það að endurtaka bloggið sem mistókst áðan. Jú ég er þrjóskur.

Efti hremmingar dagsins og slæm viðskipti mín við vélknúin ökutæki þá er ég að hugsa um að hafa næstu viku svona umhverfisvæna viku. Það byrjaði nefnilega þannig í morgun að þegar ég var bara í svona mestu makindum að keyra í vinnuna og var eiginlega kominn langleiðina í vinnuna (sem er reyndar mjög stutt) þá ákvað bíldrússlan að þetta væri bara orðið ágætt í bili. Ég bölvaði aulaskapnum í sjálfum mér að hafa ekki náð að koma ventlinum einhvers staðar þar sem ég gæti skilið hann eftir því þá hefði ég getað klárað dæmið gangandi en nei, ég var auðivitað með bílinn setindauðan úti á miðri götu.

Nú, eftir svona fmm mínútna bið þá fór hann auðvitað í gang eins og ekkert hefði í skorist og ég ók áfram. Hafði reyndar beygt einhverja hliðargötu og þurfi að fara smá sveig til að komast á rétta braut aftur. Þurfti svo að bíða á rauðu ljósi (sem var nú eiginlega mjög nálægt heimili mínu) nú og þar auðvitað fannst helvítis drusssslunni að þetta væri eiginlega aftu komið nóg. Núna tókst mér hins vegar að láta hann renna í bílastæði og hvað gerði ég? Jú, ég gekk heimtil mín, sótti hjólið mitt og hjólaði í vinnuna! Og merkilegt nokk, það var bara gaman! Var reyndar dálítið sveittur og úfinn á fundi sem ég þurfti á um leið og ég mætti en það var samt ágætt. Ég var í öllu falli með alveg fullt af súrefni ofan í mér. Þurfi lörugglega mun færri kaffibolla til að lifa fram að hádegi en ég er vanur að þurfa.

Síðan fyrr í kvöld þá fékk ég mér göngutúr til að sækja drussluna. Og það gekk nú reyndar ekki betur en svo að ég komst alveg alla leið með hann heim. Mér sýnist það eiginega vera alveg einsýnt að næsta vika verður umhverfisvika hjá mér. Ventillinn fer á verkstæði en ég munda til skiptis gönguskó, hlaupaskó, fjallahjól og línuskauta. Mun örugglega vekja athygli ef ég mæti á línuskautunum í vinnuna einhvern daginn í næstu viku!

Einhvern tíman í vetur bloggaði ég út í eitt um kaffilausu vikuna (ég man ennþá hvað sú vika var hroðaleg) en núna verður sem sagt bloggað um umhverfisvikuna. Hugmynindin er sem sagt sú að hreyfa ekki bílinn minn fyrr en eftir heila viku (fyrir utan það að ég ætla nú reyndar að fara með hann keyrandi á verkstæði því ég treysti mér ekki alveg til að draga hann þangað með handafli, þó ég sé auðvitað alveg ofboðslega sterkur ;)

Andskoti hata ég það þegar bloggið mitt týnist.
Var hálfnaður áðan að gera blogg og þá bara rak ég mig í einhvern takka og það bara púff ..... hvarf!

Ætli ef ég reki mig í takkann sem heitur "Delete your blog" þá bara púff, eigi ég ekkert blogg lengur. Ég þori eiginlega ekki að prófa það. Ætli ég geti límt límband yfir staðinn á skjánum sem sá hnappur birtist á? Ég meina sko ef maður vill ekki reka sig í einvhern takka á svona alls konar tækjum (eins og t.d. on off takkar á serverum) þá er gjarnan sett eitthvað yfir þá. Af hverju getur maður þá ekki bara líka sett eitthvað yfir svona takka á tölvuskjánum hjá manni.

Jæja en amk. ef bloggið mitt verður allt í einu bara alveg hvorfið þá veistu hvað hefur gerst. Þá hef ég sko rekið mig í þennan ólánstakka!

Það er kannski eitthvað aðeins orðum aukið að ég hati Blogger.com
En eftir þessa breytingu á skepnunni þá virtist þetta vera gjörsamlega ónýtt hjá mér og alls ekki ætla að virka. En batnandi bloggi er best að lifa með breyttu útliti. Síðan ákvað ég að gefa þessu séns vistað hjá Bloggernum sjálfum og gaf bloggvistuninni hjá Skýrr frí í bili. Sem þýðir líka að þetta er aftur farið að birtast hjá rss molum. Kannski að einhver fari þá að skoða þetta!

I hate blogger.com

.............

Which random phallic object are you?
Quiz by Andrea.

Fyndið hvað hægt er að gera sér til dægrastyttingar á sumrin
Ég fékk áðan tölvupóst sem var sendur á alla starfsmenn fyrirtækisins:

Eigendur þessa bíla, vinsamlegast hafið samband við Hei... í síma 59..
Y - 17257
RU - 226
MT - 929
DT - 640
MN - 189
AL - 728
TD - 681
OZ - 758

Ég vissi nú reyndar alveg hvað þetta var þar sem ég hafði rétt áður fengið fyrirspurn frá He... um hvort ég væri með veglykil í bílnum mínum. en mjög fljótlega kom þessi póstur aftur frá H...

Af gefnu tilefni.
Ég var ekki að bakka á alla þessa bíla !
Er að fara yfir skráninguna á veglyklunum.

Kveðja, H...

Hver segir svo að það geti ekki verið gaman í vinnunni þegar hálft fyrirtækið er í sumarfríi og hinn helmingurinn á ráðstefnu!

Undarlegt hvað svefninn getur gert manni
Var hálf syfjaður í vinnunni í gær þegar ég fór heim. Það lagaðist nú fljótlega eftir að heim var komið. Fór síðan ekkert að sofa fyrr en uppúr klukkan eitt eftir miðnætti og þá aðallega af því að ég vissi að ég yrði að fara að sofa ef ég ætlaði á annað borð að komast í vinnuna í dag.

Núnú, ég sofnaði vært og viti menn, ég vaknaði síðan aftur og fannst ég hafa sofið alveg heillengi. Náttúrulega bjart úti eins og alltaf á þessum árstíma. Íslensk náttúra með sólina í broddi fylkingar lætur ekki að sér hæða. Leit á klukkuna og gat þetta verið. Neinei, klukkan var ekki nema rétt rúmlega tvö. Ég sem sagt ekki búinn að sofa nema einhveren einn klukkutíma og fannst ég bara vera útkvíldur. Sofnaði samt strax aftur.

Vaknaði svo aftur einhvern tíman undir morgunn. Uppúr klukkan sex. Búinn þá að sofa alveg heillengi. En var orðinn alveg ógeðslega syfjaður. Eftir að hafa slett úr skinnsokknum lagðist ég aftur fyrir, ennþá jafn grútsyfjaður. En neinei, núna sofnaði ég ekkert almennilega aftur. Lá bara svona hálfvakandi þangað til klukkan var langt gengin í átta og skrönglaðist þá á fætur.

Kannski ég hefði bara átt að fara á fætur upphaflega þegar ég vaknaði þarna klukkan tvö um nóttina. Nei, þá væri ég líklega sofnaður núna aftur.

Tölvuhremmingarnar mína
Sit núna fastur uppi á háalofti af því að ég get ekki lengur komist á internetið með fartölvunni minni út af því að ég er búinn að rústa henni of mikið! Hélt sko að ég yrði fljótur að rústa nýju háaloftstölvunni sem kostaði 7.000 kall en tókst í staðinn að rústa lappanum með því að tengja hann of fast við háaloftsfyrirbærið. Annars fyndið að kaupa gamla tölvu á 7000 kall. Er nebbla búinn að bæta við hörðum diski sem kostaði 12000 og vantar betra usb port sem kostar ábyggilega nokkur þúsund kall. Þetta verður fljótlega komið í einhverja hroðalega upphæð. Nei ég verð víst aldrei ríkur, enda kannski ekki gert ráð fyrir því.

Er líka að verða undarlegur held ég. Ætlaði að fara snemma að sofa en sit hérna undir miðnætti, drekk mitt dásemdar rosakaffi sem getur haldið heilum fíl vakandi í heilt ár og blogga tóma vitleysu. Vissir þú annars að fíllinn þarf ekki að sofa nema svona 3 tíma á sólarhring. Ég pant fá að vera fíll.

Ekki vissi ég
Hvað Kaip eirasi þýðir á litháísku!
Alltaf kemst maður að einhverju nýju!

Jónsmessunæturdraumur
Þá er jónsmessunóttin í algleymingi. Ég heyri útundan mér malandi beljur og álfar dansa í hverjum hól.

Fékk mér áðan Jónsmessuhjólatúr. Kom við í Laugardalnum þar sem gerð er alvöru tilraun til að koma á Jónsmessuhátíð. Mér finnst að Íslendingar ættu að gera miklu meira úr Jónsmessunni eða eiginlega frekar sumarsólstöðunum sem voru reyndar um helgina. Nánartiltekið rétt uppúr klukkan sjö á laugardagsvkvöldið. Ég veit nú eiginlega ekki hvernig þessi Jónsmessuhátíð þeirra húsdýragarðsmanna í Laugardalnum var heppnuð. Það var mikið í lagt og gekk á með álfum og huldufólki og alls kyns furðufyrirbærum. Það var varðeldur og söngu en einhvern veginn finnst mér að það sé meiri stemning á varðeldinum í Básum heldur en þarna. Þetta var annars ágætt.

Uppi í Elliðaárdal hitti ég Gunnsa sem virðist elta mig á röndum orðið. Hitti hann annan hvern dag. Ekki var nú döggin í Elliðaárdalnum ýkja mikil. Reyndar svo lítil að óskarætingar gætu verið í stórhættu. Skiptir kannski ekki svo miklu máli fyrir mig því ég ruglaðist alveg í óskinni minni.

Hefði kannski átt að vera þessi???
Results...
Thu ert Malcolm in the middle!
Lif thitt er eins og kjarnorkusprengja. Fjolskyldan
thin er meira en litid brenglud en thu ert
avallt skemmtileg/ur og hress og lifgar upp a
tilveruna.


hvada skjareinn thattur ert thu?
brought to you by Quizilla

ASNALEGT!!!!

Results...
Thu ert Yes Dear! Lif thitt er oahugavert og
leidinlegt, thu segir omurlega brandara og
enginn hefur longun til ad vera nalaegt
ther...thess vegna attu enga vini.


hvada skjareinn thattur ert thu?
brought to you by Quizilla

Línuskautakapphlaupiðmikla
Nú var efnt línuskautakapphlaupsins hins mesta. Keppnin hófst við köfunarskúrinn í Nauthólsvík þar sem forkeppnin var fólgin í því að vera á undan að komast í línuskautana og allan viðeigandi hlífðarbúnað. Ég sigraði í forkeppninni en ekki með neinum yfirburðum og hefði líklega verið dæmdur úr leik þar sem ég svindlaði á þessum hefðbundna hlífðarbúnaði og var ekki með neinarhlífar á olnbogunum. Held meira að segja að ég hafi ekki náð að vera þessum tveimur hlífum sem ég svindlaði með á undan þannig að það var líklega orðið 1-0 frir Röggu áður en alvöru keppnin hófst. / alltaf að bulla svoltið í blogginu sínu / þurfti reyndar ekkert að bæta því við / enda vita það allir!!!!!!!!!!!!

Jæja. Hlaupið hófst óskaplega og fór Ragga betur af stað og hélt forystunnu lengi vel eða að minnsta kosti að einhverri beygju þarna á leiðinni. En þetta var ágætt og alveg stórfínt. Engin skakkaföll fyrir utan smápústra og eina dauða flugu, eða að minnsta kosti dáltið vankaða eftir árekstur við Röggu. Boltinn hitti hvorugt okkar, þrátt fyrir góða tilburði. Jæja, úrslitin eru svohljóðandi:

-.-.-	Ragga	Raggi	Vegalengd
Köfunarskúrinn við Nauthól	0	0	0
Vesturendi Ægissíði	14	12	3,7
Köfunarskúrinn við Nauthól	27	23	7,4
Bekkurinn við Kringlumýrarbraut	33	27	8,5 ?
Köfunarskúrinn við Nauthól	38:30	31.21	9,6 ?

Trjáplöntun
Er núna búinn að planta trjám upp að öxlum. Á mér sko en ekki trjánum. Fór í "sveitina mína" austur í Mýrdal þar sem landnemar á Fellsmörk voru með sameiginlegan gróðursetningardag. Varð reyndar dálítið seinn af stað af því að ég var alltaf að bíða eftir að litla systir mín myndi sko hringja í mig og segjast vera að fara að verða tilbúin. Neinei, hún var þá bara alveg tilbúin og skildi ekkert í því af hverju ég drattaðist ekki til hennar.

Plöntuðum síðan Landgræðsluskógatrjásum upp um allar hlíðar. Var reyndar verst að ég komst að því að grenitrén sem við gróðursettum árið áður á sama svæði voru frekar illa farin en birkitrjén voru hins vegar alveg stórfín.

Uppgötvaði síðan nýtt vandamál sem ég átti ekki von á að myndi há trjárækt í Mýrdal. Það hafa verið svo hroðalegir þurrkar þarna í vor og sumar að trén eru sum hver hálfþornuð upp og farin að drúpa höfði. Eða ég vona að minnsta kosti að vönkuðuð trén séu með vantsskort en ekki komin með einhvern dularfullann sjúkdóm.

Á eftir gróðursetningunni var síða efnt til herjarinnar grillveislu hjá þeim Hjalta og Júlíu. Svakalega flott hjá þeim!!!

Eftir að hafa tekið sólstöðumyndir á leiðinni heim þá rakst ég á nýju nágrannakonuna mína sem er greinilega ekki jafn hroðalega seinþreytt til vandræða og ég því hún var að banka uppá hjá honum ógeðisnágranna mínum (þessum partýóða með hundinn) og til að kvarta. Eitthvað sem ég hefði átt að gera kannski frekar en að öðlast í staðinn hatur á manninum og öllu því sem honum tilheyrir. Það er bara einvhern veginn ekki í mér að vera að kvarta í ömurlegum nágrönnum eða ömurlegu fólki, heldur reyni ég að leiða það einhvern veginn hjá mér.

Hann fór í veiðiferð í gær, hann Raggi litli
og skildi húsið eftir autt og ykkur þar
þið eruð glöð og .....

Já, hmmmmmmm
Ég fór sko í meiðiferð í gær á Eldingu og meiddi þrjá fiska eða kannski bara tvo. Drap reyndar þann fyrsta með köldu blóði og át hann. Nei reyndar ekki ég át hann ekki. Sleppti þeim næsta eftir að hafa meitt hann dálítið með oddkvössum önglinum. Veiddi svo annann en hef grun um að það hafi verið sá sami aftur. Vildi greinlega skoða betur hvað væri að gerast þarna um borð.

En að öllu gamninu slepptu þá fór ég sem sagt á sjóstöng í gærkveldi með vinnufélögunum. Svona að minnsta kosti úrvalinu af þeim. Allir veiddu held ég eitthvað (ja nema Krummi sem gaf eitthvað lítið fyrir þennan veiðiskap), drukku eitthvað og átu eitthvað. Ég veiddi sem fyrr segir þrjá gula þorska, drakk tvo góða bjóra, át einn frábæran hamborgara en ekkert súkkulaði. Enginn varð sjóveikur og enginn varð sér neitt mikið til skammar.

Var líka svakafitt og kom á hjólinu mínu niður á höfn. Gekk síðan í vinnuna í morgun. Það kom reyndar ekkert af góðu heldur þeim ósköpum helstum að bíldrússlan mín vildi ekki í gang í gær þegar halda átti heim á leið úr vinnunni.

Á morgun skal síðan plantað trjám........... Er stundum að furða mig á hvers konar lífi ég eiginlega lifi!

Stórfrétt frá Egilsstöðum á mbl.is:

Árekstur á Egilsstöðum

Óhapp varð á plani bensínstöðvar Esso á Egilsstöðum í morgun, þegar rúta frá SBA-Norðurleið og Volvo fólksbíll lentu í samstuði með þeim afleiðingum að fólksbíllinn skemmdist töluvert, en minna sér á rútunni. Ekki urðu slys á fólki við áreksturinn.

Þetta er meirasegja svo merkilegt
að það var ekki hægt að birta alla myndina með ósköpunum!
Sveitamenn hvað?!

Og þetta bleika í tilefni dagsins.....
Nei ég er sko náttlega algjört karlrembusvín í svörtum bol og glabuxum eins og allir ættu að vita. Æji, klikkaði reyndar á þessu. Hausurinn er sko allur að verða bleikur. Dökkbrúnufliksurnar á enninu hrynja af og eftir stendur ennið helbleikt!!! .... alveg steikt en samt ekki svo sleikt...

nei þetta er lélegt hjá mér held ég.

Dilbert dagsins er frábær!

Svona ef þú ert jafn lélegur í ensku og ég þá er sko "decaf" líklega koffínlaust kaffi og "antidote" er móteitur.

Og btw, allar konur sem lesa bloggið mitt, held reyndar stundum að það sé aðallega einhverjir úr kvenþjóðinin sem lesa það: Til hamingju með daginn!

Loksins fékk ég almennilegt kaffi í vinnunni
Fór í Kaffitár að kaupa mér minn vikulega skammt af gúrme kaffi og freistaðist til að kaupa mér poka af súkkulaðihúðuðum kaffibaunum um leið. Eftir að vera hálfnaður með pokann er ég orðinn svo hýber fíber að ég þarf ekki að fara að sofa fyrr en undir morgun á morgun, 17. júní ef ekki bara hinn daginn. Nú kaupti líka eikkurn disk með DB á útsölu á huntraðkall og ekki skemmir það fyrir..............?!?!?!?!?!

Upp, upp mín sál og allur minn skrokkur líka!

Ekki ér nú hægt að segja annað en að þetta Öræfajökulsflandur mitt hafi gengi fram úr vonum. Mig minnti að þetta ætti að vera einhver súskelfilegasta þrekraun sem hægt er að hugsa sér en þetta gekk nú bara létt og löðurmannlega. Jæja ef einhver sem fór er að lesa þetta, þá var þetta auðvitað dáltið erfitt en samt ekki svo.

Enda var veðrið frábært. Steikjandi hiti eiginlega alla leiðina og jafnvel uppi á toppnum var logn og sterkjuhiti. Eiginlega var veðrir það erfiðasta held ég. Bullsvitnaði þrátt fyrir að leiðsöguhundarinr frá ÍFLM hafi á skipulegan hátt haldið hraðanum niðri og látið okkur ganga eins og leikskólabörn í snúru svo til alla leiðina. Svitinn varð síðan til þess að sólvörnin lak öll af mér. Sérstaklega af enninu þar sem ég strauk svitann af með erminni minni. Sit ég núna uppi á háalofti bloggandi og skaðbrunninn á enninu á meðan þvottavélin fæst við sólvarnaráburðinn sem er í peysuerminni minni. Reyndar stór sér á mér á fleiri stöðum því ég svitnaði svo mikið á bakinu að bakpokinn fír að nuddast utan í bakið á mér með þeim afleiðingum skinnið fór að láta undan síga. Ætti kannski að fara að hætta að plástra á mér hælana til að koma í veg fyrir hælsæri sem ég man orðið bara óljóst eftir í fjallgöngum og fara í staðinn að plástra á mér bakið!

Verð reyndar að segja það að svona popparferð með atvinnufjallaleiðsögumönnum höfðar ekki nógu mikið til mín. Vil fá að vera með puttana í þessu öllu sjálfur og leiðist að vera í svona stórum hóp sem fer að virka eins og einhver hjörð þar sem einhverjir aðkeyptir sérfræðingar eiga að sjá um allt fyrir mann. Sjálfur á maður bara að labba og horfa. Þarf ekki, á ekki eða jafnvel má ekki taka neina ábyrgð á neinu. Það kom reyndar upp í hugann atvik fyrir nokkrum árum í lauginni í Landmannalaugum þegar ég hafði um páska farið á skíðum farið með frábærum hópi upp í Hrafnitinnusker og gist þar í tvær nætur. Fórum þá í kvöldgöngu hringinn í kringum hrafntinnusker. Höfðum upphaflega bara ætlað að skoða Íshellana en sáum svo hver einvhers staðar álengdar, svona 5 km í burtu og fórum þangað og til baka aftur í kringum Skerið. Lentum í ægilegum giljum hávaðaroki, sumir komnir með aðkenningu að kali á nefið og flestir að verða alveg uppgefnir þegar við komum loksins í skálann þar sem síðan var náttúrulega 10 gráðu frost innandyra. Vorum síðan þarna í Lauginni að spjalla við Einar Torfa framkvæmdastjóra Fjallaleiðsögðumanna og segja frá þessum frábæra túr. Hvað þetta hefði verið rosalega gaman að lenda í öllum þessum endalausu giljum og hvað það hefði síðan verið "fyndið" að hafa fattað eftir á að við hefðum sloppið við þau öll með að fara pínulítið öðruvísi leið. Þá datt uppúr Einari Torfa með dálítilli eftirsjá í röddinni: Já það er sko einmitt þetta sem viðskiptavinirnir mínir eru að borga mér fyrir að þurfa ekki að lenda í! Sennileast er ég bara ekki þessi hefðbundni kúnni Fjallaleiðsögumanna.

Annars almenn með þessa leiðsögn þeirra þá fannst mér margt að henni. T.d. létu þeir hópinn hafa hafa mannbrodda og ísaxir en hirtu ekkert um að kenna nokkrum manni á þetta af neinu viti. Minntust eitthvað á hvernig á að stíga niður á mannbroddana en ekki múkk um ísaxirnar. Virtust eiga að vera meira svona upp á punt. Þeir fáu sem síðan notuð þær eitthvað héldu sumir þannig á þeim bandvitlaust að þæru urðu stórhættulegar. Enda var að minnsta kosti einn sem datt á sína og meiddi sig. Síðan var hópurinn látinn ganga á mannbroddum án þess að nota ísöxina og einvhers staða lærði ég það að það væri beinlínis hættulegt. Skipti kannski reyndar engu máli þar sem fólkinu var ekkert kennt á þetta dót. Síðan vorum við að lokum látin ganga í línu á svæði þar sem var hverfandi hættá á að fara í sprungu en samt leyft að hlaupa eins og vitleysingar í línunni þannig að sumir voru að detta og jafnvel meiða sig smávegis. Fyrir utan það að það var ekki nema einhverjir 3 metrar á millimanna í línunni. Til að kóróna þetta hjá þeim þá skildu þeir einn sem gafst upp á leiðinni bara eftir. Fékk hann þar að bíða í svona heila 5 klukkutíma einhvers staðar í miðjum Öræfajökli. Reyndar minnir mig að hann hafi beðið undir Hvannadalshryggnum einhvers staðar þar sem hætta á grjóthruni getur svona verið með því mesta sem hægt er að hugsa sér. Atvinnumenn í fjallamennsku skilja ekki einhvern með krampa í lærvöðva eftir á víðavandi í 1500 metra hæð og láta hann bíða þar í marga marga klukkutíma. Maðurinn gæti tekið þá ágætu ákvörðun að nenna ekki að bíða lengur og labba bara niður sjálfur. Reyndar hefði ég alveg örugglega gert það í hans sporum. Ég verð eiginlega að segja það að ég hef aldrei séð annað eins fúsk hjá neinum sem þóttist vera svona svakalega pró! það er svo sem allt í lagi að leiðsögumenn sem eru að gera þetta í frítíma sínum eins og hjá FÍ eða Útvist séu eitthvað mismunandi vel að sér um einhverja hluti en ekki menn sem hafa þetta að atvinnu. Skamm skamm! Ef einhver frá ÍFLM (eða einhver annar sem hefur meira vit en ég) les þetta þá má hann alveg leiðrétta mig. Þ.e. að það sé allt í lagi að vera á broddum með enga exi og að skilja mann sem gefst upp eftir í 1500 metra hæð og láta hann bíða þar hálfan daginn.

Það sem var líka sérstakt var allur þessi múgur og margmenni sem var þarna að þvælast. Upp á hnúkinn komu félagar úr Hjálparsveit skáta sem voru búnir að vera að þvælast út umallan jökul í heila viku. Gúlp, þar var fólk sem ég öfundaði. Verð bara að fara að drússlast í almennilega skíðaferð aftur. Þetta gengur barsta ekki.

Mætti síðan Helenu IMG vinkonu og fjallagarpi ásamt fleira fólki sem var á leiðinni upp á topp með snjóbretti í farteskinu. Ég öfundaði þau annars ekki alveg jafn mikið en reyndar jú annars, ég verð líklega að fara að læra á að renna mér á svona bretti. Sýnist að það sé enginn maður með mönnum nema vera brettarennslisfær.

Fyrir þá sem höfðu hugsað sér að sjá einhverjar myndir eftir mig úr ferðinni þá verður þeim ekki kápan úr því klæðinu þar sem battríið í digitalmyndavélina gleymdist í hleðslutækinu heima hjá mér og filmumyndavélin sem ég fór með sprakk á limminu. Verð mér reyndar úti um einhverjar myndir frá öðrum sem ég lauma inn á vefinn bráðlega.

Ferðaundirbúningur helgarinnar í hápunkti. - Þetta fer nú að komat upp í vana
Það er ætlunin að stíga hátt núna um helgina og arka alla leið upp á Hvannadalshnúk. Verst að veðráttan verður ekki sem skyldi óttast ég. Spáin er:

Suðausturland, Veðurhorfur til kl. 18 á morgun:
Norðaustan og austan 3-8 m/s, en 5-10 við ströndina. Skýjað að mestu og stöku skúrir. Hiti 6 til 13 stig.
Veðurspá gerð 13. 6. 2003 - kl. 16:05
Næsta spá er væntanleg kl. 22:10

Jæja þetta getur samt orðið sæmilegt. Hnúkurinn verður bara að standa uppúr skýjunum. Annars gengur ferðalagsundirbúningurinn hraðar núna. En reyndar með svo miklum flumbrugangi að ég rak hausinn minn utan í vegg undir súð uppí á háalofti þegar ég var að finna til legghlífarnar mínar. Lá við að ég rotaðist. Ef eitthvað í textanum hér að ofan er ennþá undarlegra en ég er vanur að bullublogga þá vitið þið af hverju!

Vona að ég verði fær um að blogga ferðasögur á sunnudaginn!

Jæja, komin ný spurning á síðuna
Ætlaði alltaf að henda út gömlu spuningunni minni um hvernig allir keyra - líklega allir búnir að gleyma henni og svo virkaði sú spurningasíða aldrei. Auðvitað keyra líka allir með flautunni. Ég geri það að minnsta kosti.

En núna er ég sko póltískur. Get bara ekki orðabundist út af öllum þessum tvískinnungi. Til hvers er þessi her hjá okkur sem öllum þykir svo vænt um? Er hann til að verja okkur eða til að við getum grætt á honum. Ég hef meira að segja heyrt málsmetandi menn og konur segja að við gætum ekki verið sjálfstæð nema herinn væri hérna. Við hefðum aldrei efni á að vera þjóð nema að geta grætt svona hrikalega á bandaríska hernum á Miðnesheiði. Kommon eins og maður segir á góðir úttlensku. Við erum sjálfstæð held ég þrátt fyrir að hér sé bandarískur her. Það sem einna helst gerir okkur að ósjálfstæðri þjóð að mínu mati er að hér er erlendur her. Setulið nokkurn veginn óslitið frá því bretar hernámu okkur 1940. Blessuð sé sú minning og aðgerð.

Mín vegna má þessi her svo sem alveg vera hérna en ég hef hins vegar aldrei getað skilið frá því ég var svona 10 ára og trúði á rússagríluna að hann væri hér til að vernda okkur.

Jæja, er þetta eitthvað skárra?
Þessi lítur a.m.k. ekki út fyrir að vera algjört illmenni eins og hinn. Stína, er þetta í lagi?

Results...
You are Morpheus, from "The Matrix." You
have strong faith in yourself and those around
you. A true leader, you are relentless in your
persuit.


What Matrix Persona Are You?
brought to you by Quizilla

Annars sá ég að þessi er næst neðstur á listanum yfir mögulegar niðurstöður. Sá sem ég var áður var sko neðstur. Stína, þinn var reyndar bara sá næsti fyrir ofan minn, þannig að þetta er bara ágætt :)

Síðan leist mér nú reyndar ekkert á þann efsta á listanum: "You are Neo, from "The Matrix." You display a perfect fusion of heroism and compassion" Eins gott að vera ekki hann enda frekar ferlega skúggalegr maðr!
..................
..................

13.06.2003
Æji kópíeraði vitlaust. Átti sko að vera: You are Agent Smith, from "The Matrix." No one would ever want to run into you in a dark alley. Cold as steel, tough as a rock, things are your way or the highway.

Minn er dáltið montinn yfir traffíkinni núna
Er kominn með svakaflottann teljara, nei hann sést ekki á síðunni en hann telur alla traffíkina á vefnum heima.is/ers.

Og vitiði hvað mar? Í fyrragær voru um 4500 "hits" á síðunni hjá mér. Ja, reyndar var það nú aðallega út af því að það kom einhver slatti að skoða myndirnar úr Fimmvörðuhálsferðinni. Annars eru þessir teljarar mínir allir eittthvað mismunandi, mismunandi flinkir að telja heimsóknir. Sýnist að þessi nýjasti sé lang bestur þar sem hann skilar lang hæstu töklunum. Munum hið fornkveðna: Höfum það er skemmtilegra reynist!

Annað kjánalegt próf af netinu
Verð annars greinilega að fara að gerast svona matrix nörd. Sýnist að enginn sé nörd með nördum nema að hafa skoðun á matrix.
Results...
You are Cypher, from "The Matrix."
Selfish, disllusioned, you are misguided at
times. You deviate from the "right"
path.


What Matrix Persona Are You?
brought to you by Quizilla

Veit annars ekkert hvaða gaur þetta er en vona að þetta sé ekki al vont. Ég er síðan náttlega alltaf tígrisdýr þannig að ég get þá bara étið þennan í morgunmat ef mér sýnist svo grrrrrrrrrrrrrrrrrrrrrr!!!!!!!!!!!!!!!!

Ég er TÍGRÍSDÝR - URRRRRRR

Results...



WHAT TYPE OF WILD CREATURE ARE YOU? (New Pictures!)
brought to you by Quizilla
Prófaði annars að svara þessu aftur og þá svona eins og mér fannst svona skniðugt frekar en endilega það sem mér finnst að ég sé og þá merkilegt nokk, varð ég líka tígrísdýr. Ég verð sem sagt að sætta mig við það, ég er bara tiger!

Þetta er annars fyrsta bloggið mitt (ja eða annað þar sem ég bloggaði þetta sama á úttlenska bloggið mitt upp á grínið) á nýrri eldgamallri tölvu sem ég er búinn að koma fyrir uppi á hálofti hjá mér. Hér verður sko gott að dunda sér við að blogga í ellinni!

Generáll Björn klikkar ekki
Núna breytum við bara herstöð Kananna í Keflavík í hið íslenska heimavarnarlið. Lengi lifi byltingin.

Það þyrfti nú eiginlega að halda námskeið um leitarvélar á Internetinu
Ég öfunda hana Stínu stundum dáltið af því að það skoða alltaf mikið fleiri bloggið hennar en bloggð mitt. Datt í hug að skoða áðan hvort það séu færri sem sem skoða hjá henni núna en venjulega af því að hún hefur ekkert verið í tölvusamandi undanfarið. Nei það hefur nú ekki minnkað mikið. Jú reyndar dálítið. Skoðaði þá út af minni ótrúlegu forvitni hvaðan þeir koma sem eru að skoða síðuna hennar og sá þá mér til undrunar að einhverjir af þeim sem þangað koma hljóta að verða fyrir töluverðum vonbrigðum. Svona einhver hluti gestanna koma í gegnum leitarvélar og eru þá oftar en ekki með leitarstrengi á borð við:

giant penis
gynaecologist, sex, pictures
cute wife playing with her clit -horny -c
sex stories GRANDDAD sister-in-law

Finnst þetta síðasta eiginlega fyndnast. Sé að sjálfsögðu fyrir mér mágkopnu hennar og Sigurð afa strákanna hennar. Eins og einhver sagði einhvern tíman: People, get real!

Og fyrir þá sem ekki vita þá er ákaflega lítið af einhverju svona cyberporni á síðunni hennar. T.d.sá sem ætlaði að skoða giant penis á síðunni hennar, ja ég veit nú reyndar ekkert að hverju hann var að leita en Stína kallar yfirleitt Smáralindina "The penis mall" og kannski varð viðkomandi ekkert fyrir vonbrigðum að sjá hana tala um sköndul í líki verslanamiðstöðvar og á stærð við nokkra fótboltavelli. Stærðina vantar að minnsta kosti ekki!

Auðvitað á hvítasunnuhelgin að vera ferðahelgi
Og þannig var það að sjálfsögðu hjá mér!

Fyrirhuguð var gönguferð yfir Fimmvörðuháls til að ég kæmist í gangandi í grín og glens í Þórsmörk en þangað kem ég aldrei akandi. Raunverulegur tilgangur ferðarinnar var sem sagt að ég kæmist í gleðina í Básumum hvítasunnuna en yfirlýstur tilgangur var gönguferð starfsmanna Skýrr yfir Fimmvörðuháls.

Þar sem okkur hafði einhvern vegin mistekist að ákveða að leggja af stað á mínum kristilega tíma þá þurfti ég að vakna klukkan 6:15 um morguninn. Frekar þreytt eftir að hafa ekki farið að sofa fyrr en klukkan var farin að nálgast eitt kvöldið/nóttina áður. Bölvaði smá og nennti ekki að hita vatn á hitabrúsa (sem ég átti auðvitað eftir að dauðsjá eftir). Drösslaðist af stað og var kominn niður á BSÍ rétt um klukkan sjö. Þá kom það náttúrlega í ljós að afgreiðslan þar opnar ekki fyrr en klukkan átta. Með harðfylgi tókst samt að ná sambandi við starfsmenn pakkaafgeiðslunnar sem tóku við okkar hafurtaski inn í Þórsmörk. Merkt kyrfilega Básar og mér. Var þetta áætlað heil 120 kg sending. Held að það hafi reyndar verið mjög vanáætlað.

Lögðum af stað í labbið rétt fyrir klukkan 10 eða ég sko, sem góðum fararstjóra sæmdi þá lagði ég seinastur af stað.

Kvennabrekkan gekk bara vel og það var ætt fram hjá Hestvaðsfossi og hvað þeir heita. Snætt nesti einhvers staðar þegar við vorum komin vel áleiðs að Króksfossi. Stiginn upp á göngubrúna reyndist vera horfinn veg allrar veraldar en brúin var í góðu lagi.

Fúkki var fínn að vanda. Bættum aðeins við fúkkann með svitanum af okkur sjálfum. Átum ediláns flatkökur með slungi. Enginn var með kampavín þannig að við héldum bara áfram.

Snjórinn var frekar lítill. Hefði reyndar náð okkur upp fyrir haus ef við hefðum sokkið niður á botn en þar sem enginn var yfir 300 kg í ferðinni þá varð það ekkert til trafala. Fylgdum stikuðu leiðinni sem er nokkuð vel stikuð á köfflum.

Útbítti alls kyns gleðipipllum til þátttakenda sem fóru að kenna sér meina hér og þar. Gekk það reyndar svo langt að sumir voru farnir að biðja um sér íbúfen við verkjum hér og þar. Verður þessi ferð e.t.v. kennd við íbúfen átið hið mikla.

Allir komust þó yfir hálsinn þó mér hefði ekkert litist á sársaukagretturnar sem voru farnar að koma á stundum. En þetta hafðist nú allt með guðs hjálp. Gerðum bara eins og Guðmundur frá Miðdal þegar hann hét á æðri máttarvöld og sór þess dýran eið að reisa skála fjallamanna á Fimmvörðuhálsi:

"Í áheyrn ykkar þriggja fóstbræðra minna sver ég við Goðastein, Stórkonufell, Einhyrning, Heljarkamb, Hvítmögu, Entu, og Kötlu að reisa hér á þessum stað skála Fjallamanna. Ég bið dverga og hamratröll að heyra orð mín og veita stuðning."

Við komumst sem sagt yfir með hjálp dverga og hamratrölla og sáum yfir Heljarkamb.

Reyndar voru sumir svo snjallir að vera ekki að hengslast þar í keðjum eins og flestra er siður heldur renndum við okkur fimlega í gegnum gat eitt mikið sem við höðum heyrt sagnir af.

Morinsheiðin reyndist jafn flöt sem endranær og harðfiskurinn undir heiðinni rann ljúflega niður við fuglasöng gulufuglanna sem voru búnir að taka sér bólfestu í höfðum íbúfenætanna. Voru þeir að vonum öfundaðir mjög. Fuglarnir sko.

Kattarhryggir urðu að láta í minnipokann og niður á jafnsléttu undir fálkahöfði komust þeir seinustu sem verða einhvern tíman fyrstir á um átta og hálfum tíma. Miðað við allt og ekkert þá er það bara harla gott enda við ekki í neinni kappgöngu.

Mikið stuð var í Básum að vanda á laugardagskvöldi. Grillið var megafrábært og fær Tobbi þvílíkar þakkir að hann mun ganga boginn í baki það sem eftir lifir árs. Verður rétt búinn að jafna sig þegar hann panta fyrir næstu grillveislu. Jæja, það gæti reyndar orðið um næstu helgi. En annars þá var þetta frábært og ekki verra þegar við komumst að því að með í för var alvöru kokkur!

Varðeldurinn stóð fyrir sínu og það var sungið og trallað framundir morgun. Og hún var með einfaldan giftingarhring!!!!!!!!!

Hádegisgrillið daginn eftir varð síðan megafrábært. Hvílíkt át, hvílík gleði, hvílík hamingja. Maður verður bara að fara þetta einhvern tíman aftur! Verst að okkur tókst ekki að klára allt kartöfflusallatið þrátt fyrir góðar tilraunir!

Herlegheitin eru síða komin á netið í myndaformi einhvers staðar hér: Fimmvörðuháls um Hvítasunnuna 2003. Virkar reyndar ekki alveg ennþá þar sem plássið á heimasíðunni minni kláraðist með þessum 5 megabætum af myndum en það stendur til bóta. Myndirnar eru þarna samt. Smella bara á einhverja þumalputtamyndina og þá kemur þetta!

Stundum þegar maður þarf að gera eitthvað
Eins og að smyrja nesti fyrir ferðalag og pakka niður þá nennir maður því ekki og fer að gera einhver undarleg próf á internetinu TheSpark.com - Gender Test!. Þetta er dáltið sniðugt. Kyngreinir. Klikkaði reyndar ekki á mér og gaf mér þessa ágætu niðurstöðu að ég væri 86% örugglega karlmaður. Jæja, ekki sklæmt að fá karlmennsku sína staðfesta á internetinu. Netið lýgur jú aldrei, amk. ekki frekar en Mogginn!!

Jæja en þá fer ég að pakka. Fimmvörðuhálsinn bíður ekki endalaust!

Þetta er undarlegt, ég vissi ekki að bloggið mitt væri orðið svona frægt!
Haldiði að það einhver serbókrótati hafi ekki tekið bloggið mitt og gert að sínu eigin. Þýtt það eða skrifað eitthvað á serbókróatísku. Tekið myndirnar alla grafík og allt. Sjá HÉR

Undarleg þessi SMS heilræði sem maður fær stundum

Stundaðu aldrei kynlíf úti í garði. Ástin er blind en það er nágranni þinn ekki

||||||||
(.)(.)
----oOO--OOo-----

-8-

Mikill er friðurinn á vorum tímum
Óspurðar fréttir sf. hafa haft mikið fyrir því að grafa upp texta bréfs W til DO&co. Fer hann hér að neðan:

"Dear founding member of the Coalition of the Willing™

Due to the world now being a safer place, thanks to your support of Operation Invisible WMD, we have decided to realign the defenses of your nation.

As you may know, we have, in the past, had to worry about nucular weapons from those pesky commies in the State Department and Russia.

Both have now been neutered.

This fact has led us to believe that your defenses can be served by the National Guard unit of Montana (State Motto: At least our cows are sane).

To facilitate this we have set up a toll free number for you to call in case of invasion.

The number is 1 800 4DP SHIT, which is manned during normal business hours, Central time.

Thank you for your support.
Dubya"

Þökk sé þér Stebbi fyrir þessar inside information!

Frábært, er búinn að finna nýja leið til að fá heví traffík inn á síðuna mína
Eftir að síðan var flutt frá Blogspot þá koma uppfærslur á henni ekki fram á rss molum. Til að auka traffíkina þá setti ég örlita pornóveiðistöng á síðuna. Breytti bara titli síðunnar hjá blogger.com yfir í "The naked lifestyle". Og viti menn, rétt áðan voru einhverir 9 úttlendingar að reyna að botna í síðunni minni! Verst að þeir skilja líklega ekkert í henni en núna fæ ég í öllu falli svaka traffík!

Svo er ég farinn að hlakka til helgarinnar
Fyrsta fjallaferðarútilega sumarsins framundan. Ætla að arka með fríðu föruneyti Skýrrara yfir Fimmvörðuháls, aðfararnótt laugardagsins næsta og vera í Mörkinni a.m.k. fram á sunnudag. Mánudag ef glöð verða geð guma!

Aumingjans bóksölumenn og aðrir í símasölu
Er stundum að velta fyrir mér að líklegast ætti ég að fara að setja svona rautt merki við mig í símaskránni. Ekki til að vernda mig heldur til að nýta betur tíma þeirra sem eru í þessari símasölu. Úr því að þetta dynur á manni alltaf af og til þá reikna ég einhvern veginn með því að það kaupi einhver eitthvað í gegnum svona sölu - ég geri það bara ekki sjálfur.

Já góðan daginn er eiraggi við?

Ha, já þetta er hann / svo sem ekki von á mörgum öðrum að svara símanum mínum!

Er ég nokkuð mikið að truffla?

Ha, nei þetta er allt í lagi / allaf að reyna að vera ekki mjög ókurteis en kannski hefði ég bara átt að segjast vera ferlega upptekinn en þá hefði þessi hinum megin á línunni örugglega bara viljað fá að hringja aftur!

Ég vildi nefnilega segja þér frá tilboðum sem eru hjá Eddu miðlun

Hmmmm jáááá / er svona ekkert svakalega glaður

Já við erum með orðabókina þessa íslensku og hún er á bara 16000 krónur .............

Nei ætla ekki að kaupa hana / ég kaupi mér nefnilega yfirleitt bækur af því að mig langar í þær en ekki af því að einhvern langar til að selja mér þær.
Síðan eru líka orðabækur í tveimur bindum eitthvað það kjánalegasta sem ég get hugsað mér. Ef orðabók er orðin svo stór að hún kemst ekki í eitt bindi þá hlýtur hún að fara betur í þremur bindum en einu

Já svo er ég líka með Perlur í náttúru Íslanands sem eru á sérstökum kostakjö.............

NEI ég hef ekki áhuga / enda lanar mig ekkert í einhverjar myndabækur á 10-20 þúsund kall stykkið sem eru síðan svo asnalega stórar að þær passa ekki einu sinni í bókahillu. Eru líka til hjá foreldrum mínum ef mig langar til að kíkja í þær. Mamma yrði nú bara glöð ef ég gerði mér ferð til þeirra þó það væri bara tl að skoða einhverjar bókur

Sem betur fer áttaði þessi sölukona sig á því að ég væri ekki auðunnið fórnarlamb í bóksöluheiminum og þakkaði því bara pent fyrir.

Annars held ég að ég sé á lista hjá flestum sölumönnum yfir fólk sem þýðir almennt ekkert að reyna að selja nokkurn skapaðan hlut enda gerist þetta sem betur fer fyrir báða aðila ekkert svakalega oft. En samt nógu oft til að ég sé að hugsa um að fara að setja svona ónáðið ekki merki í símaskrána við nafnið mitt.

Undarlegur sólarhringur
Það eru nú ekki allir sólarhringir eins. Og þeir sem eru með hringmyrkvum geta orðið enn meira öðru vísi er ég búinn að komast að.

Var eiginlega búinn að gefa þetta sólmyrkvaæfintýri upp á bátinn þegar við ákváðum að fara líklega upp á Holtavörðuheiði. Þá værum við komin nær norðurlandi og þar átti frekar að vera minni skýjahula. Einnig værum við þar mátulega hátt uppi til að sjá sólarupprásina.

Reyndar fékk ég símhringingu um 11 leytið um kvöldið þar sem mér varn bent á að það gæti verið sniðugt að skoða myrkvann ofan af Snæfellsjökli. Þar væri maður kominn uppúr skýjunum. Eftir smá vangaveltur sáum við að það væri allt of stuttur fyrirvari að fara að æða þangað upp með 1-2 klst fyrirvara. Þekkjum ekkert leiðina þangað upp og vissum ekki hvað væri hægtað keyra langtu upp á Jökulhálsinn. Varð því Holtavörðuheiðin fyrir valinu.

Fórum við þrjú saman úr bænum, ég Ragga og Gunni og höfðum á orði að núna hefði líklega nýtt bjartsýnismet verið sett. Að æða af stað um miðja nótt í ausandi rigningu til að fara að skoða sólmyrkva!

Það hætti nú að rigna fljótlega og þegar við nálguðumst Borgarnes sáum við smá roða einhvers staðar í skýjunum. Bjartsýni fór því að gera vart við sig en það var skammvinnt þar sem uppi á Holtavörðuheiði keyrðum við inní svarta þoku. Það er sko frekar ólíklegt að sjá mikið til sólmyrkva þegar skyggnið er ekki nema svona 20 metrar þegar best lætur. Við keyrum síðan niður úr þokunni einhvers staðar ofarlega í Hrútafirði en þar var náttúrulega alskýjað. Þar sem flutningar stóðu fyrir dyrum á laugardeginum þá var ákveðið að gefa þessu engan séns heldur fara bara beina leið til baka. Kannski voru það meiriháttar mistök því RAX á Mogganum náði þessari frábæru mynd hér að neðan við Hraun á Skaga.


En við brunuðum sem sagt í bæinn án þess að hafa séð nokkurn skapaðan hlut.

Annars má lesa um þessa hetjuleigu tilraun og hrakfararsögu hér

Sváfum smá og svo var gengið í það verkefni að bera stóra bróður út í Sólheimunum og inn í Hafnarfjörðinn. Tók það lungann í deginum.