eða svo sagði einhver einhvern tíman!
Það gerðust nefnilega undur og stórmerki í lok vikunnar. Seint á miðvikudagskvöldinu fann HK ekki svo óálitlega íbúð á netinu og daginn eftir fórum við að skoða, ekki bara einu sinni heldur tvisvar og með þær fréttir að komin væru tvö tilboð frekar en eitt. Þó ég hafi nú svona yfirleitt ekki verið mikið fyrir að ana að neinu þá var nú samt mætt rétt upp úr klukkan 9 á föstudagsmorgninum til fasteignasalans. Tilboðin urðu að minnsta kosti fjögur og merkilegt nokk. Við bárum sigur úr bítum og fengum tilboðið undirritað af seljanda eitthvað um hálf fimm.
Þetta breytir því svo sem ekkert að við byrjum á að flytja upp í Árbæ eins og við höfum verið að vinna að en hins vegar verður ekkert mikið tekið upp úr kössunum þar sem við förum í okkar fína slot í Hæðargarði um miðjan apríl. Jamms, það eru bara tíðindi hér á ferð!
No comments:
Post a Comment