Leiðsögumaðurinn

Á leið yfir fjöllin með hópinn frá Kóreu.

Líklegast á Þóra stærstan þátt í þessu en sumarið 2023 fór ég að gæda útlendinga á vegum Íslenskra fjallaleiðsögumanna, Fjalló, Icelandia eða hvað við viljum kalla það. Talsvert mikið mikið öðru vísi en það sem ég hafði gædað áður. Að einhverju leyti var þetta framhald af því að sumarið áður fór ég eina ferð með Þóru með USA fólk um Norðurland. Reyndar allt öðru vísi ferð þar sem þá var farið á rútu prívat með bílstjóra, gist á hótelum en svo farnar góðar dagsgöngur um áhugaverða staði. Það var víst bloggað um það líka. Eftir þá ferð tókst mér að smeigja litlu tánni á mér inn í Fjalló og sem sagt... með tvær ferðir á dagskrá sumarið 2023. Sú fyrri var með 16 manna hóp en sú seinni með eitthvað rúmlega 20 manna hóp þar sem einnig var túrgæd að utan og svo einn með mér hér heima. Ég gerði ráð fyrir að fá einhvern reynslubolta með mér en það endaði ekki þannig og eftir að Höskuldur sleit hásin og Sigga Guðmunds var þá búin að lofa sér í annað... þá fór Gunni með mér. Ég held annars að það hafi verið nokkuð góður kostur.

Áður en ég fór fyrri ferðina þá hafði ég vit á að fara inn á Fjallabak og hitta Þóru í Hrafntinnuskeri og sjá þá helst hvernig staðið er að því að elda mat handa hópnum í skálanum. Ég veit ekki alveg hvernig þetta hefði farið ef ég hefði ekki gert það til undirbúnings. Gat einnig kíkt á þá staði sem gert var ráð fyrir að ég myndi sýna fólkinu... enda voru þarna líka eitthvað á annan áratug síðan ég fór síðast heilan laugaveg.

Þóra að leyfa mér að njóta útsýnisins með sér yfir Jökultungum.

Ég hitti svo hópinn minn á BSÍ og það gekk ágætlega... rútubílstjórinn... hvern skrambann hann heitir, einhvers staðar frá útlandi en búinn að vera svo lengi á Íslandi að hann er orðinn heilmikið íslenskur.

Fyrsti hópurinn sem ég fór með í góðu veðri á leið upp á Fimmvörðuháls.

----------------------
Þetta var skráð um haust 2024 en bara sett á eitthvað sumar 2023 þegar ég hefði verið að hugsa þetta

......

Bakvarðasveit: Ekki alveg það sem ég ætlaði mér

Hópurinn nálgast Fjallkirkjuna þó sá sem er nefndur sé þar hvergi!

Það fer ekki allt eins og ætlað er. Sumarið búið að vera frekar gott til ferðalaga. Búinn að gæda laugaveginn tvisvar og að auki fór ég fyrst í smá könnunarleiðangur - sérstaklega til að skoða hvernig stóreldamennska í þessum skálum Laugavegsins gengi fyrir sig.

Kláraði seinni ferðina á föstudagskvöld og slapp allt saman fyrir horn með stóran hóp frá Suður-Kóreu. Fann hins vegar fyrir hálseymslum á laugardeginum og svo eftir Sluxa á laugardagskvöldi hvar ég hefði átt að vera massa rólegur en var ekki - þá er ég búinn að liggja með kvefpest. Einhvern Kóreuvírus geri ég ráð fyrir.

Það varð svo til þess að ég er ekki núna í góðum Stakahópi að nálgast Fjallkirkju í Langjökli heldur sit ég bara heima hjá mér með hor í nös. Þeir eru svo með neyðarsendinn minn með sér og ég get fylgst með hvernig miðar.

Og á meðan ég var að skrifa þetta eru þeir að mjakast nær skálanum og eiga bara nokkur hundruð metra eftir núna á flötu landi. Vona bar aða það sé hægt að sofa í þessum skála!

Eru núna kl. 18:45 komnir á beina braut að skálanum!

Ég er annars nokkuð ánægður með sjálfan mig að hafa náð að gera almennilegt takk af lofmynd frá gps.is sem ég hnitsetti sjálfur í Ozi Explorer!