Flutningar R og M

Fremristekkurinn kominn í pappakassa.

Tvisvar höfum við bræður fengið að geyma hjól hjá Frænku okkar og hennar manni í Köben auk þess að fá að gista og alls-lags. Svo er hún Ragneiður líka mjög fín frænka okkar og Matti hennar maður ekki síður fínn og ekki síður ættmóðirin Ingibjörg. Það var því hið besta mál að hjálpa þeim við flutninga.

Sumt í flutningnum gekk betur en annað. Til dæmis kom í ljós að það er afleitt að ætla sér að koma tvíbreiðu rúmi í einu lagi upp þröngan stiga en svo kom líka í ljós að þeir eru skilningsríkir í IKEA.

Matti og Ragheiður, komin á Skólavörðustíginn.

....

Plöntudagur Fellsmerkur 30. júní

það var farið í Fellsmörk daginn eftir heimkomuna frá Evrópu. Heppnaðist vel en ég fór snemma heim á sunnudegi með foreldrunum því ég ætlaði á fund í verkefni á Veðurstofunni sem síðan reyndar varð ekki því hinn maðurinn mætti ekki neitt.

Í Fellsmörkinni var það ég, Gunninn, mamman og pabbinn. Gaman að þau skyldu koma líka!

Drukkið kaffi eða eitthvað í músahúsinu!

Hjólað frá Berlín til Prag: 18 - 28 júní

Hjálpast að við að laga slitna keðju Dostans

Það var farið í framhaldi af Vatternrundan. Gekk ágætlega ef undan eru skilin æfintýri á flugvöllum. Held ég fari helst ekki aftur með tvö hjól á flugvöll í einu og eins veit ég núna að skynsamlegast er að reyna að panta hjólafar áður en farið er í flug eða kannað hvort eða hvernig flugfélög sem fljúga innan Evrópu vilja flytja reiðhjól. Þetta er ekkert mál til og frá Íslandi en á milli annarra Evrópu landa virðist þetta vera risavaxið vandamál!

Á tjaldstæði við Bad Schandau

En ferðin/leiðin varð alls um 600km með hjólamennsku í einn dag í Prag. Byrjuðum að hjóla á mánudagshádegi í Berlín og komum til Prag að kvöldi þriðjudags viku seinna. Var mjög mátulegt. Aldrei of langt á neinum degi og við náðum svona almennt að njóta ferðarinnar. Samt vorum við ekki að skoða neitt þannig séð heldur snérist ferðin um að hjóla.

Matseðillinn samanstóð af morgunmat, hádegismat sem var ýmist pasta eða brauðmáltíð, nokkrum bjórum og steik um kvöldið ásamt nasli yfir daginn. Niðursaðan var 5kg þyngdartap alls!

Hjólið við heimkomuna tekið úr kassanum fyrir utan Leifsstöð. Ég gerði eiginlega ráð fyrir að hj´lið væri ónýtt miðað við útlitið á kassanum en það var í alveg þokkalegu lagi!

......

Vatternrundan 15-16 júní

Það var farið eins og undanfarin ár!

Gekk bara vel og náði betri tíma en áður. Núna eitthvað rétt yfir 12 klst. Fyrir fjórum árum var það um 16, svo um 14 í fyrra um 13 og núna um 12. Ágæt bæting.

Stærri hópur en áður sem náði býsn vel saman!

Eitthvað latur bloggari

Hef einhvern veginn ekki komist í að blogga neitt. Búinn að fara í Vatternrundan, hjóla frá Berlín til Prag, Fara í Fellsmörk, Fara á Snæfellsnes og fara í jöklakönnunarleiðangur að Höfðabrekkujökli.

Ætli það sé ekki best að gera bara staka pósta um þetta þannig að hægt sé að eiga eitthvað af bloggdrasli. Þetta er annars meira komið á Facebook.

Veit ekki hvort ég á að hlæja eða gráta!

En Baldvin í Beco er og verður snillingur

Þessi mynd var tekin einhvern tíman með linsunni góðu!

yrir tæpum þremur árum bloggaði ég að Baldvin í Beco væri snillingur og það sannaði sig beint eða óbeint í dag. Því að... fyrir svona einu ár síðan keypti ég mér nýja myndavél fyrir afar marga ðeninga því sú gamla var hætt að geta still fókusinn... og ég var glaður með nýja myndavél... svona fyrst í stað. Svo kom í ljós að sú nýja var ómöguleg að fókusera með uppáhalds linsunni minni. þar sem ég vildi ekki verða myndavélalaus þá var ég eitthvað frekar seinn að fara með myndavélina í Beco hvar ég hafði keypt hana. Fór loks í dag og þá eftir spekúlasjónir kom í ljós að það var ekki myndavélin sem var biluð heldur linsuskömmin. Hún orðin margara ára gömul og örugglega ekki lengur í neinni ábyrgð.

Eftir smá spjall við Baldvin varð niðurstaðan sú að það þyrfti að senda linsuna út því það þyrfti eitthvað að stilla hana eða þannig og þá fæddist hugmynd í kollinum á mér. Getur verið að linsan sé bara með lausa skrúfu... er kannski einhver stilliskrúfa þarna sem ég þarf bara að fikta aðeins í.

og til að gera langa sögu stutta þá þegar heim var komið var ráðist á gripinn vopnaður skrúfjárnig hver skrúfan á fætur annarri prófuð... allar fastar... nema sú síðasta. Hún hert og si'l vous plait: Linsan fókuseraði sem aldrei fyrr á algjörum fítonshraða!

Ég veit ekki hvort ég á að hlæja eða gráta yfir þessu en er búinn að vera hálf fatlaður í myndatökum síðustu mánuðina út af þessu!

......

Þverganga Venusar

Það var múgur og margmenni í Öskjuhlíðinni!

Svörtu sólgleraugun sem ég fékk í póstifrá Stjörnuskoðunarfélagi Seltjarnarness virkuðu ekki mikið fyrir mig. Sé líklega bara ekki nógu vel og svo var sólin auðvitað líka frekar lágt á lofti. Var reyndar næstum búinn að missa af öllu saman. Hafði verið að fundast í HSSR og var kominn heim og ætlaði að fara að fá mér síðbúinn kvöldmat. Kíkti aðeins á mbl.is og þar var þá verið að troða í mann fréttaefni um þvergönguna. Ég út á bílnum upp í Öskjuhlíð með svörtu sólgleraugun sem ég sá eiginlega ekkert í. Rétt að ég grillti í sólina en ekki sá ég neina svarta bletti. Þá rámaði mig allt í einu í það að ég hef auðvitað tekið fullt af myndum sem eru af sólinni með alveg sæmilegum gæðum. Fór heim og var kominn aftur upp í Öskjuhlíð svona korteri fyrir sólsetur. Og bara nokk sáttur!